Itzal handiko korrikalariak izango ditugu aurten ere Mendaron, Kilimon Trail mendi lasterketan. Domekan jokatuko da lasterketa, 10:00etan hasita. 23 kilometro pasatxoko ibilbidea izango du, eta 1.600 metroko desnibela gainditu beharko dute korrikalariek.

Lerro hauek idazteko unean, 211 korrikalari zeuden izena emanda, tartean honako hauek: Iker Oliveri, Sheila Aviles, Mariol Olmedo, Montse Vazquez, Zuriñe Frutos, Maite Maiora, Eric Moya, Alfredo Gil, Walter Becerra, David Lopez Castan, eta Ander Barrenetxea.