Orain arte ardura izan duen Iosu Arraizi hartu dio lekukoa Ion Zubiaurrek. Honenbestez, hurrengo lau urteetan ere elgoibartar bat izango da Mankomunitateko lehendakari.
Debabarrenako Mankomunitateko lehendakaria hautatzeko ezohiko batzarra egin zuten uztailaren 27an, eta Ion Zubiaurre Ros (Elgoibar, 1981) jeltzaleak hartu zuen kargua, lehendakaria aukeratzeko bozketan boto gehien jaso eta gero. Hurrengo lau urteetan bera izango da Mankomunitatearen ordezkari nagusia eta jakinarazi duenez, “gogotsu” hartu du kargu berria.
Honakoa izango da agintaldi honetako Debabarrena Mankomunitateko gobernu batzordea:
- Ion Zubiaurre Ros, lehendakaria (Elgoibar, EAJ)
- Ana Telleria Echeverria, lehendakari ordea (Eibar, PSE)
• Batzordekideak:
- Iñigo Loyola Garate (Elgoibarko Udala)
- Anton Garai Berezibar (Debako Udala)
- Inhar Mutiozabal (Mutrikuko Udala)
- Unai Larreategi Azurmendi (Soraluzeko Udala)
- Enetz Ezenarro Arriola (Mendaroko Udala)
- Igor Aguirre Barrientos (Mallabiako Udala)
- Emuako ordezkaria, izendatzeke.
