Egur arte tailerreko umeek ikasturtean zehar egindako lanak ipiniko dituzte ikusgai Kultur Etxean, gaurtik 10era bitartean, astelehenetik larunbatera.

Erakusketa 18:30tik 20:30ra egongo da zabalik. 4 eta 14 urte bitarteko ikasleek egindako artelanak izango dituzte. Txikienek oihal txiki bana jarriko dute eta gainontzekoek taldean egindako lanak. Askotariko teknika eta materialak erabili dituzte arte lanetarako: kolaxak, akrilikoak, argizaria, kartoiak… Horrekin, guztien artean baso bat osatu dute, besteak beste mota askotako zuhaitzekin.