Ikasturtea amaierara ailegatzen ari da, eta ohi duten moduan jendaurreko emanaldiak antolatu ditu Mendaroko Ameikutz Musika Eskolak. Trikitixa eta pandero ikasleena izango da aurrenekoa, ekainaren 1ean.

San Agustin kulturguneko areto nagusian edo bertako terrazan emango dituzte musika-tresnen bakarkako emanaldiak, eta ordu berean hasiko dira denak, 18:00etan. Hona egutegia:

• Ekainaren 1ean, eguaztena, Trikitixa eta Pandero ikasleen emanaldia
• Ekainaren 7an, martitzena, Piano, Biolin eta Kitarra ikasleen emanaldia
• Ekainaren 9an, eguena, Txistua, Tronboi, Tronpeta eta akordeoi ikasleen emanaldia
• Ekainaren 13an, barikua, Bateria ikasleen emanaldia