Basaur hiruko taldearen aurkezpena gaur, Elgoibarren

Duo Plaentxi izenarekin 25 bat urtez taula gainetan ibili ondoren, talde berriarekin datoz Jose Luis Badiola eta Jesus Urizar, pare bat urteko etenaren ondotik. Basaur taldea osatu dute, Los Veracruz talde entzutetsuko Santi Sarasketa eibartarrarekin batera, eta gaur emango dute Elgoibarren estreinako kontzertua, Txarridunan (22:00).

Basaur taldeko kideek irrikaz daudela aitortu dute, baina aldi berean, urduri ere bai. "Oholtzara igotzen denak derrigor izan behar du tentsio puntu hori, profesionala bada behinik behin. Eta gu onena ematera goaz, beti bezala", esan du horren harira Sarasketak. Urteetako eskarmentua dute eta hasiberrien ilusioa; osagai primerakoak, primerakoa izan nahi duen kontzerturako. Basaurrek Elgoibarren eskainiko duen estreinako kontzertua 22:00etan hasiko da Txarridunan.