Club Deportivo Elgoibarreko jokalari Sara Etura Gonzalez gazte elgoibartarra fitxatu du Realak.

Realaren kadete taldean jokatuko Eturak datorren denboralditik aurrera. C.D. Elgoibarko arduradunek adierazi dutenez, berri pozgarria izateaz gainera "historikoa' ere bada, talde txuri-urdinak C.D. Elgoibartik fitxatzen duen estreinako emakumezkoa baita. Jokalariaria zoriondu dute klubetik, eta emakumeen futbola sustatzen jarraituko dutela esan dute.

Infantiletan jokatzen zuenetik deitu izan du Realak Etura teknifikazio saioetan zein txapelketetan parte hartzeko. Iaz, esaterako, bi txapelketa jokatu zituen Aste Santuan, eta horietako bat irabazi ere egin zuten. Orain, baina, taldeko kide finko izateko deitu dute Donostiako taldetik. Etura Mintxeta Atletismo Taldearekin ere aritu izan da.

∞Lotura duten albisteak:

• Estanis Mugerza Athleticera eta Asier Diez Realera (2023-05-31)
• Sara Eturak Realarekin jokatu du Aste Santuan (2022-04-21)
• Realaren teknifikazio saioetan parte hartuko dute Sara Eturak eta Elene Beristainek (2022-02-07)
• Elene Beristainek Realak antolatu dituen teknifikazio entrenamenduetan parte hartuko du (2021-06-09)
• C.D. Elgoibarrek eta Realak antolatutako futbol Campusean hartu dute parte hainbat neskek (2018-09-04)