Elgoibarko Lagun Taldeko txirrindulari infantilek Gipuzkoako Erlojupeko Txapelketa jokatu zuten zapatuan Zumaian, Joxe Mari Korta industrialdean, eta ohi legez, alebinei ere eman zieten aukera zirkuito berean lasterketa jokatzeko.
Infantilek zazpigarren egin zuten sailkapen nagusian, eta Irati Ansolak garaikurra ere eskuratu zuen alebinetan, Donostia B taldekoekin taldea osatuta.
Donostia B taldeko beste bi txirrindularirekin osatu zuten taldea Ansolak, Elgoibarko Lagun Taldean alebinen artean ez zeudelako behar beste lagun taldea osatzeko (gutxienez hiru lagunekoak izan behar ziren taldeak), eta hirugarren sailkatu ziren. Gtxe Zarautz taldekoak sailkatu ziren lehenengo (11:44), Dorleta Lokatzakoek egin zuten bigarren eta Irati Ansolaren taldeak hirugarren. Alebin mutiletan, berriz, Irunes taldea, Dorletako Ama eta Oriako igo ziren podiumera.
