Apirilaren 1ean jokatu zuten Mendaron Kilimon Trail mendi lasterketa eta ETB1ek astelehenean emititu zuen proba luzearen inguruan osatu zuen reportajea Nahieran dago ikusgai. Reportajerako barruan duzue lotura. Gozatu musikaz ere, Elgoibarren sortutako Arima Beltza taldearen 'Mundurako ateak' diskoko 'Bizitzaren trapezistak' kantuarekin hasten baita reportajea.

 Gizonezkoetan, Alain Santamaria (Ezkarai, Espainia) izan zen azkarrena Mendaron jokatu zuten Kilimon Trail mendi lasterketako proba luzean, 1:56:10eko denbora eginda, eta Malen Osa, emakumezkoetan, 2:16:00ko denborarekin. Osak, gainera, Maite Maiorak 2018an ezarri zuen errekorra ondu zuen hamalau segundotan. Lasterketa motzean, berriz, Ibai Angulo urrestillarra (0:53:01) eta Carrodilla Cabestre (Estadilla, Huesca, Espainia) gailendu ziren, 1:06:50eko denbora eginda.