Eguna goibel esnatu da, eta kaleak bustita, baina azkenerako, eguzkia ere batu da gaur Jose Gurrutxagaren omenez Elgoibar Ikastolak antolatutako krosera. 795 herritarrek hartu dute parte guztira, hamalau lasterketatan banatuta.
LH1etik aurrerako neska-mutilek hartu dute parte Elgoibar Ikastolak antolatutako Jose Gurrutxaga krosean. 10:30ean puntuan hasi dira txikienak lasterka, eta 12:00etan izan da 16 urtetik gorakoen lasterketa. Segudan, sariak banatu dituzte eta hiru urdaiazpikoren zozketa ere egin dute Kalegoen plazan. Eguna goibel eta euritsu esnatu den arren, azkenean eguzkiak ere bat egin du korrikalariekin, eta ikusle bat gehiago izan da.
