Mendaroko Arno Guraso Elkarteak antolatuta, Pilota Eguna egin zuten Mendaron joan den zapatuan. 78 neska-mutilek hartu zuten parte estreinako edizio honetan.
LH1etik LH6ra arteko eskola umeek parte hartu zuten parte Mendaroko lehenengo Pilota Egunean. Kamiseta zuria eta gerrikoak jantzita aritu ziren pilotan Goñati pilotalekuan. Pilotarekiko zaletasuna sustatzeko antolatu zuen Pilota Eguna Arno Guraso Elkarteak.
Era berean, duela gutxi sortu dute Mendaron pilota eskola, MTE txirrindulari elkartearen babesean. Naiara Arrillagak azaldu zituen pilota eskolaen nondik norakoak BARREN aldizkariari eskainitako elkarrizketan (945. zenbakia, 2015-04-17)
