Gurpildun aulkira egokitutako errugbia ezagutzera emateko ekitaldia antolatu dute ekainaren 3rako Elgoibarren. Lagunarteko partida jokatuko dute Gasteizko Basatiak Zuzenak eta Adapta taldeek, Olaizaga kiroldegian.
Euskadiko txapelketarako puntuagarria den Elgoibarko Enduro Txapelketa jokatuko dute domekan, ekainaren 4an, Urruzuno bailaran. Albitzuri industriagunean egongo da erlojuaren aurkako proba egiteko zirkuitua.
Irabazitako garaikurrak gordetzeko bitrina edo beira-arasa handitzeko beharra izango du aurki Sanlok. Gipuzkoako Kopa txapelketa bat baino gehiago irabazteko aukerak zituzten Sanloko taldeek, eta zituzten hiru aukeretatik bi baliatu dituzte joan den asteburuan.
Jardunaldi bakarra falta da Gipuzkoako 52. hiru txirlo bola joko txapelketa bukatzeko eta bolari sanmigeldarrak sailkapen nagusiko lehen postuetan ailegatuko dira etxean jokatuko duten tiraldira.