Enpresa praktikak atzerrian egingo dituzte Elgoibarko Meka Lanbide Eskolako hainbat ikaslek, datozen hiru hilabeteetan.
Meka Lanbide Eskolako 25 ikaslek aste honetan hasiko dute enpresa praktikak egiteko bidaia. Italiara joango dira dozena bat ikasle, Irlandaraino joango dira bost eta Poloniaraino lau. Frantzian egingo dituzte praktikak beste bik eta Europako iparralderaino, Finlandia puntaraino, joango dira azken biak.
Mekak urtero eskaintzen ditu ikasketak osatu ahal izateko enpresa praktikak atzerrian, Europako Ikasketa Programetarako Erakunde Autonomoak (OAPEE) emandako diru laguntzei esker.
