2022an, Debabarreneko Mankomunitateak 26.049 kilo hondakin arriskutsu jaso zituen. Horien artean, kopururik handiena pintura izan zen, ondoren plastikozko ontzi handiak eta azkenik, produktu kimikoak.

Mota horretako hondakinak garbiguneetan zein mini-garbiguneetan batzen dituzte.

Iazko datu bilketak emateaz bat, mankomunitateak gogora ekarri du honako produktuak eraman behar direla garbigune arruntetara: pintura poto hutsak, aerosol hutsak, hondakin arriskutsuak izan dituzten plastikozko ontzi hutsak, hondakin arriskutsuak izan dituzten metalezko ontzi hutsak, erradiografiak, produktu kimikoak (disolbenteak, etab), eta bonbilak eta fluoreszenteak.
 • Mini-garbiguneetan zer
Mini-garbiguneetan, berriz, etxeetako erabileran sortutako honako hondakin arriskutsuak batzen dituzte: aerosolak, pintura pote txikiak, erradiografiak, tonerrak eta pilak. Ildo horretan, mankomunitateak herritarrei gogoratu nahi die oso garrantzitsua dela hondakin mota bakoitza dagokion ahotik sartzea mini-garbigunera