Irrien Lagunak Klubeko pertsonaiak bisitan etorriko dira bihar (ekainak 26) Elgoibarrera. Martinbertso DJ, Largabista eta Marikalanbrek ikuskizun parte-hartzailea eskainiko dute Maalako parkean, eta entzierro txiki batekin emango diote amaiera jaiari.

Ikuskizun partehartzaile batekin ailegatuko dira bihar (ekainak 26) Irrien Lagunak klubeko pertsonaiak Elgoibarrera. Kultura, osasuna, natura eta zientzia, haurrek aski ongi ezagutzen dituzten kanta eta dantzekin uztartuko dituzte (Epoitaitaye, A yami-yami, oso ondo, parabara, maketume,...). 17:30ean hasiko da ikuskizuna Maalako parkean, eta ordubeteko saioa eskainiko dute Martinbertso DJ, Largabista eta Marikalanbrek. Elgoibarko Izarrak antolatu du saioa Elgoibarko Udalaren babesarekin.