16.550 kilo elikagai batu dira aurten, aurreko bi urteetan batutako guztia beste
- Xehetasunak
- Nork idatzia: barren.eus
Elikagai bankuarentzat 16.550 kilo jaso ziren aurreko asteburuan Elgoibarren. Hau da, aurreko bi urteetan jasotako guztia batutakoa beste. Guztira 120 lagunek lan egin zuten modu boluntarioan. Elgoibarko Udala pozik agertu da.
80 urtetik gorakoak omentzeko bazkaria egin dute Jubilatuen Biltokian
- Xehetasunak
- Nork idatzia: barren.eus
Jubilatuen astearen baitan, 80 urtetik gorakoak omentzeko bazkaria egin dute gaur Elgoibarko Jubilatuen Biltokian. Aurten urrezko ezteiak, -50 urte ezkonduta- bete dituzten bederatzi bikote ere omendu dituzte.
Abenduaren 4tik urtarrilaren 6ra egongo dira piztuta Eguberrietako argiak
- Xehetasunak
- Nork idatzia: barren.eus
Barixakuan, hilaren 4an, piztuko dituzte Eguberrietako argiak Elgoibarko kaleetan. Udalak iragarri du argiak piztuta egongo direla urtarrilaren 6ra bitartean, 17:30etik 23:00etara.
Himalaiako Langtang haranera eramango gaitu Morkaikoren mendi emanaldiak, gaur
- Xehetasunak
- Nork idatzia: barren.eus
Himalaiako Langtang Himal haran ezkutuan murgildu ziren Ibai Rico gasteiztarra eta Evan Miles estatubatuarra 2014ko udazkenean, glaziologia ikerketak eta eskalada helburu zituen espedizio batean. Espedizioari buruzko xehetasunak azalduko ditu gaur (abenduak 3) Ibai Ricok berak, Morkaikoren Udazkeneko Mendi Emanaldi Zikloko azken aurreko emanaldian. (bideoa dauka)
Jolasak, kantua eta dantza izango dira Elgoibarren eta Mendaron Euskararen Egunaren aitzakian
- Xehetasunak
- Nork idatzia: barren.eus
Zapatuko lipdub arrakastatsuarekin hasi ziren Euskararen eguneko ospakizunak, baina abenduaren 3rako ere makina bat ekintza antolatu dituzte Elgoibarko eta Mendaroko hainbat tokitan, batik bat ikastetxeek. Horrez gain, euskararen jatorria eta Iruña Veleiari buruzko hitzaldia eskainiko dute Mendaron, eta Euskara munduan filma Elgoibarren. (egitaraua dauka)
Josu Esnaolak Argia Ereiten Euskara Saria jaso du, euskararen alde egindako lanagatik
- Xehetasunak
- Nork idatzia: barren.eus
Seigarren Argia Ereiten Euskara Saria jaso zuten atzo Josu Esnaolak (Elgoibar, 1962) eta Alfredo Lopez Gereñu ‘Bertxok’ (Donostia, 1971), Getxoko alkate Imanol Landaren eskutik. Euskararekiko izan duten konpromisoagatik eta, bereziki, duela 19 urte Berbalaguna ekimena Getxon martxan jartzeagatik jaso dute Getxoko Udalak ematen duen sari hori.
2015-2016 ikasturteko Tertuliak programa aurkeztuko dute eguenean
- Xehetasunak
- Nork idatzia: barren.eus
Abenduaren 3an, Euskararen Nazioarteko Egunean, aurkeztuko dute 2015-2016 ikasturteko Tertuliak programa. Ordubeteko ekitaldia izango da, eta programa horretan noizbait parte hartu duten elgoibartar guztiak daude gonbidatuta.
Abenduaren 15ean jarriko dituzte salgai Pirritx, Porrotx eta Marimototsen ikuskizunerako sarrerak
- Xehetasunak
- Nork idatzia: barren.eus
Amalur ikuskizun berria eskainiko dute Pirritx, Porrotx eta Marimotots pailazoek Elgoibarren, 2016ko urtarrilaren 2an. Abenduaren 15ean eta 16an eskuratu ahal izango dira sarrerak.
Belaustegi jatetxeak Tripontziak ekimenean hartuko du parte
- Xehetasunak
- Nork idatzia: barren.eus
Debegesak abenduaren 1etik 15era egingo den Debabarreneko Tripontziak ekimen gastronomikoaren bigarren edizioa jarri du martxan. Debabarreneko Klub Gastronomikoko kide diren eskualdeko 13 establezimenduk hartuko dute parte, tartean Elgoibarko Belaustegi jatetxeak.
Ruper Ordorikak kontzertua emango du Elgoibarren urtarrilaren 8an
- Xehetasunak
- Nork idatzia: barren.eus
Arnaldo askatu, politika askatu herri ekimenak antolatuta, Ruper Ordorikak kontzertua eskainiko du Elgoibarko Herriko Antzokian, urtarrilaren 8an.
Hiesaren inguruko sentsibilizazio astea antolatu du Gurutze Gorriak
- Xehetasunak
- Nork idatzia: barren.eus
Hiesaren aurkako nazioarteko eguna da gaur, abenduak 1. Horren harira, Hiesaren inguruko sentsibilizazio astea antolatu du Elgoibarko Gurutze Gorriak. Haizea emakume taldeak ere hitzaldi bat antolatu du gaurko.
Ainara Ladronen epaiketa martxoaren 2ra atzeratu du epaileak
- Xehetasunak
- Nork idatzia: barren.eus
Ainara Ladron elgoibartarraren eta beste lau gazteren aurkako epaiketa martxoaren 2ra atzeratzeko erabakia hartu du epaileak azkenean.
Elgoibar dantzan jarri du 'Beitxu, Beitxu!' kantuaren lipdub-ak
- Xehetasunak
- Nork idatzia: barren.eus
1.000tik gora elgoibartarrek hartu dute parte Elgoibarko Euskarak 365 Egun taldekoek Elgoibarko kaleetan grabatu duten lipdub-ean. 64 elkarte eta erakunde egon dira ordezkatuta eta bakoitzak bere kolore eta ukitu berezia eman dio grabazioari. Ziur denak daudela emaitza ikusteko irrikan. Hona hemen Beitxu, Beitxu! kantuarekin egindako lipdub-a. (bideoa ea argazki bilduma dauzka)
A-8 autobideko Elgoibarko peajeko zorua berritu du Bidegik
- Xehetasunak
- Nork idatzia: barren.eus
Gipuzkoako Azpiegituren Agentzia Bidegik jakinarazi duenez, Arriaga auzoko ordainlekuan segurtasuna hobetzeko lanak egin dituzte, zehazki, zoru ez labaingarria jarri dute. 2014an ia 3 milioi ibilgailu igaro ziren ordainleku horretatik.
Pilotaz berba egitera etorriko dira Irujo, Olaizola, Altuna eta Artola Elgoibarrera
- Xehetasunak
- Nork idatzia: barren.eus
Kirol Federatuaren Urteko Sariak banatuko ditu Elgoibarko Udal Kirol Patronatuak abenduaren 21ean. Ekitaldi hasieran pilotari buruzko mahai ingurua antolatu dute eta goi mailako lau pilotari gonbidatu dituzte solasaldira: Aimar Olaizola, Juan Martinez de Irujo, Jokin Altuna eta Iñaki Artola.
Elgoibarko auzoetan aldea euskaran
- Xehetasunak
- Nork idatzia: barren.eus
Gauzak nola aldatu diren -edo ez diren- ikusteko tresna paregabea da Ahotsak. Arlo guztietan, eta baita euskararen ingurukoetan ere, noski. Elgoibarko euskararen egoerari buruzko pasarte eta bideo dezente dituzte jasota ahotsak.eus web orrian.
Pedro Migel Urruzuno kaleko etxe baten aurka jo du auto batek goizaldean
- Xehetasunak
- Nork idatzia: barren.eus
Pedro Migel Urruzuno kaleko 10. zenbakiko atariaren aurka jo du ibilgailu batek bart goizaldean. Gertakariaren lekutik alde egin badu ere, etxearen aurka jo zuen autoaren jabea zein den jakitea lortu du Udaltzaingoak.
Udalaren 14.000 euroko sarrera bat enplegua sustatzeko erabiltzea proposatu du EHBilduk
- Xehetasunak
- Nork idatzia: barren.eus
Elgoibarko EHBilduk jakinarazi duenez, Eskualdeko Enplegu Plana kudeatzeagatik 14.000 euroko sarrera izango du Udalak, eta proposatu dute diru-sarrera hori enplegua sustatzeko erabiltzea.
Aisia eskaintza oparoa eskainiko dute neguko oporraldian Atxutxiamaikak, Gaztelekuak eta Ludotekak
- Xehetasunak
- Nork idatzia: barren.eus
Haur eta gaztetxoen neguko oporraldia gainean dugun honetan, Elgoibarko Izarraren Atxutxiamaika eta Udalaren Ludoteka eta Gazteleku zerbitzuak aisialdirako egitarau zabalarekin datoz. Txokoak, irteerak, kontzertuak, film emanaldiak, kotilloiak eta abar luze bat eskaintzeko lanean ari dira hiru eragile horiek. (agenda dauka)
Elgoibarren aurkitutako Brontze Aroko aizkora gipuzkoarren esku laga du Jose Julian Marquezek
- Xehetasunak
- Nork idatzia: barren.eus
Jose Julian Marquezek orain dela 3.500 urte inguruko aizkora aurkitu zuen umetan, Elgoibarko Morterika errekan. Erreminta-makinaren hiriburuan aurkitutako metalezko erremintarik zaharrena da.
Ehun boluntariok baino gehiagok parte hartuko dute Elgoibarko elikagaien bilketan
- Xehetasunak
- Nork idatzia: barren.eus
Dena prest barixakuko (azaroak 27) eta zapatuko elikagaien bilketarako. Elgoibarko talde eta erakunde ugarik indarrak batu dituzte Gipuzkoako Elikagai bankuarentzat bilketa lanetan jarduteko eta lankidetza horrek frutuak eman ditu janaria batzen hasi aurretik: Elgoibarren boluntario lana egiteko ehun lagunek baino gehiagok eman dute izena. Sanlok eta C.D. Elgoibarrek ere bat egin dute kanpainarekin.
Emakumeenganako indarkeriaren desagertzeko eskatu dute hainbat herritarrek Elgoibarren eta Mendaron
- Xehetasunak
- Nork idatzia: barren.eus
Azaroaren 25a emakumeenganako indarkeriaren kontra agertzeko eguna izan zen mundu zabalean. Aldarrikapen horrek Elgoibarren eta Mendaron ere izan zuen lekua. Era berean, Elgoibarko Udalak genero indarkeriaren Elgoibarko datuak jakinarazi ditu. Zenbatutako tratu txar kasuek behera egin dute.
Estrasburgok parte batean arrazoia eman dio Otegiren defentsari
- Xehetasunak
- Nork idatzia: barren.eus
Europako Giza Eskubideen Auzitegiak aintzat hartu ditu Bateragune auzian Espainiak Giza Eskubideen Itunaren 6.1 artikulua urratu zela dioten alegazioak. Horregatik eta gai hau aztertzea erabaki du. Estrasburgoko auzitegiak gaur kaleratutako ebazpenean, atzera bota du Otegi eta ezker abertzaleko beste lau kide kartzelan sartzeko epaimahaiaren inguruko inpartzialtasun ezari buruzko eskaera.
Aukeratu dituzte hauteskunde orokorretan mahaietan egon beharko duten kideak
- Xehetasunak
- Nork idatzia: barren.eus
Espainiako Hauteskunde orokorrak abenduaren 20an izango dira, eta gaur, Elgoibarko hauteskunde-mahaiak osatzeko zozketa publikoa egin dute, udaletxean ospatu den udalbatzarrean.
Elgoibarko Anateusk elkarteari babesa ematera etorri da Nuala Gardner eskoziarra
- Xehetasunak
- Nork idatzia: barren.eus
Anateusk elkarteak eta Elgoibarko Udalak antolatuta, After Thomas filma eskainiko dute eguen honetan, hilak 26, Herriko Antzokian. Nuala Gardner eskoziarrak idatzitako A Friend Like Henry liburuan oinarritutakoa da filma. Txakurren laguntzarekin egiten den lan terapeutikoan eta desgaistasuna duten pertsonen integrazioaren aldeko borrokan aitzindaria da mundu mailan Gardner. Elgoibarko Udalak harrera egin zion atzo.
Fosil eta Mineralen museora bisita gidatua antolatu du Haizeak
- Xehetasunak
- Nork idatzia: barren.eus
Mufomi Fosil eta Mineralen museoa 1993. urtetik dago Artetxe kalean, baina ez da ezagunegia herritarren artean. Haizea emakume taldeak museoa ezagutzeko bisita gdatua antolatu du eguenerako. Pello Arrieta historialari elgoibartarrak gidatuko du bisita eta museo inguruan egon ziren lantegien historiaren berri ere emango du.
Zapatuko lip-dub-a iragartzeko bideoa egin dute
- Xehetasunak
- Nork idatzia: barren.eus
Zapatuan (azaroak 28) egingo duten Beitxu, beitxu! kantuan oinarritutako lip-dub-erako motorrak berotze aldera, bideo labur bat zabaldu du Elgoibar365 ekimenak. Joan den zapatuan egin zuten entsegu orokorreko irudiak erabiliz, 11 segundora ekarri dute ia bederatzi minutuko lib-dub-a.
Kaleak oinezkoentzat berreskuratzeko asmoz, itxita daude erdiguneko kaleak
- Xehetasunak
- Nork idatzia: barren.eus
Kaleak oinezkoentzat berreskuratzeko asmoz, aurten ere mugikortasun iraunkorraren astea antolatu du Elgoibarko Udalak, eta erdiguneko kaleak trafikoarentzat itxita egongo dira azaroaren 30era arte. Aukera aprobetxatuz, 60 + ekimeneko lagunak Mintxetatik herrigunera jaitsi dira, eta herriguneko kaleetan barrena egin dute martitzenero eta eguenero Mintxeta inguruan egin ohi duten ibilaldia.
