'Elgoibar. Garai gatazkatsu baten kronika. 1765-1825' izenburuko liburua aurkeztuko dute hilaren 26an
- Xehetasunak
- Nork idatzia: barren.eus
Pello Arrietak eta Javier Elorzak argitaratu dute, elkarlanean, Elgoibar. Garai gatazkatsu baten kronika. 1765-1825 izenburuko liburua. Urte horietan lurralde gatazkak eta liskarrak izateaz gain, gerrak eta inbasioak ere jasan zituen Elgoibarrek eta horien kontakizuna ere egin dute, hein handi batean Ignazio Bartolome Muguruza Iriondo pertsonai ilustreak bere garaian Madrilera bidalitako agiri grafiko baten arrastoan egindako ikerketa-lana baliatuta.
Banatu dituzte 2014ko Kirol Federatuaren Sariak
- Xehetasunak
- Nork idatzia: barren.eus
2014 urtean nabarmendu diren kirolari, entrenatzaile, laguntzaile, zuzendaritzako kide edo babesleak saritu zituzten atzo (abenduak 22), Elgoibarko Udal Kirol Patronatuak urtero antolatzen duen Kirol Federatuen Sarietan. Herriko 19 kirol klubek beste horrenbeste sari banatu zituzten, eta horrez gainera, Kirol Patronatuak bi sari berezi banatu zituen, Hernandezi bata eta Loiolari bestea. (saritu guztien argazkiak eta merituak dauzka)
Ehun ume inguruk parte hartu zuten zapatuan Mendaroko Haur Krosean
- Xehetasunak
- Nork idatzia: barren.eus
Hirugarren urtez jarraian, Gabonetako Haur Krosa antolatu zuen Mendaroko Txirrindulari Elkarteak zapaturako, eta Haur Hezkuntzako eta Lehen Hezkuntzako ehun ume inguruk izena eman zuten. (argazki bilduma dauka)
Lau boletotik batek saria izango du Elgoibarko Izarraren tonbolan
- Xehetasunak
- Nork idatzia: barren.eus
Elgoibarko Izarrak tonbola jarriko du bigarren urtez, abenduaren 24an. Erakunde publikoen diru-laguntza jasotzen du kultur elkarteak, baina elkartea ekonomikoki bideragarri egiteko erronkari aurre egiteko autofinantzaketa sustatu nahi dute, eta beste hainbat ekintzen artean, Tonbola jarriko dute aurten ere Kalegoen plazan. 11:00etatik aurrera salduko dituzte boletoak, eta lautik batek saria izango du.
Eguaztenean etorriko dira Olentzero eta Mari Domingi opariak banatzera
- Xehetasunak
- Nork idatzia: barren.eus
Abenduaren 24an etorriko dira Olentzero eta Mari Domingi opariak banatzera. 11:00etan hasiko da kalejira Mendaron, eta 11:30ean Elgoibarren.
Urtarrilaren 17ra arte egongo da ikusgai jaiotza mekanikoa
- Xehetasunak
- Nork idatzia: barren.eus
Elgojaiotza taldeak atzo (abenduak 19) jarri zuen martxan Parrokiako jaiotza. Benantzio Otaegi Elgoibarko parrokoaren bedeinkapena jaso ostean, joan den apirilean zendu zen Juan Mari Osoro "Katxo"ren alargunak eta alabak izan zuten jaiotzari bizia eman zion botoiari emateko ohorea.
Patrice Etchegarai lapurtarra gailendu da Elgoibarko Nazioarteko Xake Txapelketan
- Xehetasunak
- Nork idatzia: barren.eus
Azken partida erabakigarrian Ismael Teran xakelari sevillarrari irabazi ostean, Patrice Etchegarai lapurtarrak irabazi du Elgoibarko Maisuen Nazioarteko 24. Xake Txapelketa.
Gustavo Barrenetxea, azkena izatetik lehenengoekin lehiatzera
- Xehetasunak
- Nork idatzia: barren.eus
Gaur, 16:00etatik aurrera, jokatuko dute Elgoibarko Nazioarteko Xake Txapelketaren azken jardunaldia. 20:00ak ingururako jakingo dugu zein den aurtengo irabazlea, baina Gustavo Barrenetxea elgoibartarrak egin duen lana nabarmendu behar da. Parte hartzen ari diren hamar xakelarietatik ELO puntuazio baxuena duen arren, ia amaierara arte torneoa irabazteko aukerak izan ditu.
Eguberrietako kontzertu eskainiko dute musika eskolako ikasleek, parrokian
- Xehetasunak
- Nork idatzia: barren.eus
Elgoibarko Inazio Bereziartua Musika eta Dantza eskolako ikasleek Eguberrietako kontzertua eskainiko dute gaur (abenduak 19) San Bartolome Parrokian. Era berean, Elgoibarko Udal Musika Bandak ere egitarau berezia prestatu du eguberrietarako (egitaraua dauka).
Lizarpe Mendi Kluba sortu dute Mendaron, eta haren babesean, Lizarpe lasterketa taldea
- Xehetasunak
- Nork idatzia: barren.eus
Lizarpe Mendi Kluba sortu dute Mendaron, eta haren babesean, Lizarpe lasterketa taldea.
Salgai dago Elgoibarko Izarrak prestatu duen 'Euskaldunak Elgoibarren' liburua
- Xehetasunak
- Nork idatzia: barren.eus
Atzo aurkeztu zuen Elgoibarko Izarrak Euskaldunak Elgoibarren liburua. Kultur Etxeko sotoan, 60 lagunen aurrean, besteak beste, Elgoibarko Izarrako presidenteak, liburuaren babesleek (Danobat eta Udala), liburua idatzi duten sei lagunek, eta liburuan azaltzen diren pare bat protagonistek hitz egin zuten. (argazkiak dauzka)
Jon Gurrutxagak kontzertua eskainiko du domekan, sotoan
- Xehetasunak
- Nork idatzia: barren.eus
Sinuosek antolatuta, Hitz lauz diskoa aurkeztuko du Jon Gurrutxagak domekan, Elgoibarko Kultur Etxeko sotoan, 19:00etatik aurrera.
Haur krosa antolatu du Mendaroko Txirrindulari Elkarteak zapaturako
- Xehetasunak
- Nork idatzia: barren.eus
Hirugarren urtez jarraian, Eguberrietako Haur krosa antolatu du Mendaroko Txirrindulari Elkarteak, haurren artean kirolerako zaletasuna sustatzeko asmoz. Zapatuan, hilaren 20an izango da, Mendarozabalen, 17:00etan, eta izenemateak lasterketa hasi baino orduerdi lehenago egingo dira han bertan.
Agortu dira Eguberrietako bertso saiorako sarrerak
- Xehetasunak
- Nork idatzia: barren.eus
Abenduaren 26an izango da Elgoibarko Izarra Euskaltzaleon Topaguneak urtero antolatzen duen Eguberrietako bertso-jaialdia, eta sarrera “guztiak” agortu direla jakinarazi dute antolatzaileek.
'Elgoibarko hiri bilakaera' liburua aurkeztuko du Luis Ulazia arkitektoak
- Xehetasunak
- Nork idatzia: barren.eus
Elgoibarko hiri bilakaera izenburuko liburua aurkeztuko du Luis Ulazia arkitektu elgoibartarrak gaur (abenduak 18), Elgoibarko kultur Etxean (19:00). Ulaziak 73 urte ditu eta 1981. urtetik 2000. urtera bitartean udal arkitektoa izan zen.
Danobatek langileen familiei ateak zabalduz ospatu zuen 60. urtemuga
- Xehetasunak
- Nork idatzia: barren.eus
1954an sortu zuten Danobat enpresa Ermuaranbide kaleko tailer txiki batean. Hirurogei urte pasa dira ordutik eta egun munduko enpresa garrantzitsuenetarikoa da erreminta-makinaren sektorean. Abenduaren 14an, 500 lagunetik gora batu ziren Elgoibarko Arriaga auzoan kokatua dagoen lantegira, 60. urteurrena ospatzera.
140 ume inguruk jasoko dituzte jostailu bilketa kanpainan batutako jostailuak
- Xehetasunak
- Nork idatzia: barren.eus
Jostailuak eta opariak jasotzeko kanpaina egin zuen Elgoibarko Gurutze Gorriak, eta jasotako jostailu guztiak Gabon egun bezperan, abenduaren 23an, banatuko dituzte zailtasun ekonomikoak dituzten familien artean. Aurten 140 ume inguruk jasoko dituzte jostailuok, aurreko urteetan baino gehiagok.
Elgoibarko txokoekin osatu du 2015eko egutegia Udalak
- Xehetasunak
- Nork idatzia: barren.eus
Atzo aurkeztu zuten jendaurrean Elgoibarko Udalak argitaratzen duen 2015eko egutegia, egutegia osatzeko antolatu dituzten argazki eta marrazki lehiaketetako irabazleak saritzeko antolatutako sari-banaketa ekitaldian. Aurtengoan, zazpigarren aldiz antolatu dute argazki lehiaketa Udalak eta Ongarrik elkarlanean. Argazki lehiaketa honetan 47 herritarrek parte hartu dute, eta guztira, 206 argazki aurkeztu dituzte. (saritutako argazki guztiak barruan)
Realeko presidenteak eta bi jokalarik hartuko dute parte Kirol Sarietako mahai-inguruan
- Xehetasunak
- Nork idatzia: barren.eus
2014ko Kirol Federatuaren Sariak banatuko ditu Elgoibarko Udal Kirol Patronatuak abenduaren 22an. Sari banaketa ekitaldia hasi aurretik kirolari buruzko mahai ingurua antolatu dute. Aurtengoan, "Realaren balioen" inguruan berba egingo dute hizlariek: Jokin Aperribai talde txuri-urdineko presidenteak eta bi jokalarik.
Eduardo Arrillaga argazkilariaren lan bat saritu dute Asisafoto nazioarteko lehiaketan
- Xehetasunak
- Nork idatzia: barren.eus
Dominikar Errepublikan ateratako argazki sorta aurkeztu zuen lehiaketara Eduardo Arrillaga argazkilari elgoibartarrak, eta Baseballland izenekoa saritu dute Asisa nazioarteko argazki lehiaketaren seigarren edizioan.
Maite Maiora eta Mustapha El Hachmi Gipuzkoako txapeldun krosean
- Xehetasunak
- Nork idatzia: barren.eus
Eibarko Bolunburu oroigarri krosarekin batera, Gipuzkoako Kros Txapelketa jokatu zen domekan Arrateko Olabeko kanpetan, eskola kirolean dabiltzan atletentzat zein atleta federatuentzat. Gaztetxoen mailan Mintxeta Atletismo Taldeko bi ordezkari nabarmendu ziren. Mustapha El Hachmi elgoibartarra (ondoko argazkian) izan zen garaile jubeniletan eta Martin Hernandezek brontzezko domina eskuratu zuen kadeteetan. Emakumezkoen senior mailan, berriz, Maite Maiora mendaroarra gailendu zen.
Ainara Ladronen kontrako akusazioa erretiratu du Espainiako Auzitegi Naziolaleko Fiskaltzak
- Xehetasunak
- Nork idatzia: barren.eus
Segiko kide izatea egotzita, 28 gazteren kontrako 1/12 sumarioaren epaiketa hasi zuten irailaren 22an Madrilgo Auzitegi Nazionalean. Auzipetuen artean zegoen Ainara Ladron elgoibartarra, baina Fiskalltzak jakinarazi berri duenez, akusazioa erretiratu die hamabi gazte auzipeturi, tartean Ainara Ladroni.
Jendetza batu zen Urtezahar-gau aurreratua ospatzera
- Xehetasunak
- Nork idatzia: barren.eus
Gabon Zaharreko kanpaiak Elgoibako Kalegoen plazatik eskainiko ditu ETBk abenduaren 31n, eta joan den barixakuan grabatu zuten saioa. Urtezahar-gaueko ospakizunak ia hogei egun aurreratzeak ikusmina sortu zuen herrian, eta hala, ikusminez, plaza bete zuten herritarrek. Azkenean, iragarritakoa baino dezente beranduago grabatu zuten plazan batutakoentzat gaueko unerik garrantzitsuena zena, San Bartolome parrokiako ordularia gauerdira ailegatu zen unea, alegia. Elgoibarko Udalak 20.000 euro jarri zituen grabazioa Elgoibarren egin zedin eta ostiralekoaz balorazio positiboa egin du Alfredo Etxeberriak. (argazkiak eta bideoa dauzka)
Era guztietako 26 jaiotza aurkeztu dituzte aurten jaiotza lehiaketara
- Xehetasunak
- Nork idatzia: barren.eus
Jaiotza lehiaketa egin zuten atzo, eta 69 umek 26 jaiotza aurkeztu zituzten, iaz baino zortzi jaiotza gehiago. Epaimahaiak lehen sariarekin saritu zuen Ainitze Plaza, Eider Plaza, Maddi Plaza eta Olatz Makazagak aurkeztutakoa. Hortaz, Ainitze Plazak eta Eider Plazak bigarren urtez jarraian irabazi dute lehiaketa, iaz ere lehen saria lortu zuten-eta. (argazkiak dauzka)
Jokoan da Nazioarteko Xake Txapelketa
- Xehetasunak
- Nork idatzia: barren.eus
Zapatuan aurkeztu zuten Elgoibarko Maisuen Nazioarteko 24. Xake Txapelketa, eta dagoeneko jokatu dituzte estreinako partidak. Hilaren 19ra bitartean jokatuko dituzte partidak udaletxeko pleno aretoan.
Urteko gaztarik onena aukeratuko dute Elgoibarko Gabon Zahar Ferian
- Xehetasunak
- Nork idatzia: barren.eus
Txapeldunetan txapelduna. Horixe da 2014. Urteko Gazta Txapelduna ardi-gazta lehiaketan aukeratuko dutena Gabon Zahar Ferian, abenduaren 27an. Jatorri Izendapeneko Kontseilu Erregulatzaileak araututa, aurten Euskal Herrian egin dituzten 18 ardi-gazta lehiaketetako bat, gutxienez, irabazi dituzten gaztagileak batuko dira Elgoibarren. Hau da, hamar gaztagile, tartean Mausitxa.
Urrezko ezteiak bete dituzten bikoteak omendu dituzte Jubilatuen Astean
- Xehetasunak
- Nork idatzia: barren.eus
Elgoibarko jubilatuek euren astea ospatzen dihardute asteon, eta hainbat ekintza antolatu dituzte datorren astelehenera bitartean. Atzo, 80 urtez gorakoak omentzeko bazkaria egin zuten Jubilatuen Biltokian eta aurten urrezko ezteiak bete dituzten sei bikote ere omendu zituzten, guztiak 1964an ezkonduak.
Euskaldunak Elgoibarren liburua aurkeztuko du Elgoibarko Izarrak abenduaren 17an
- Xehetasunak
- Nork idatzia: barren.eus
Abenduaren 17an aurkeztuko dute, Kultur Etxeko sotoan (19:00etan), Elgoibarko Izarrak prestatu eta Danobat kooperatibak eta Elgoibarko Udalak diruz finantzatu duten Euskaldunak Elgoibarren liburua. Lan hori sortzeko ideia elkartearen 50. urteurrenaren harira izan zuten, eta lanaren koordinatzailea izan den Imanol Larrañagak esan duenez, “gure herria eta euskara lotzea izan da liburuaren helburu nagusia”.
