Rüdiger musika taldea eta Lady Finger DJa gaur, Mendaron
- Xehetasunak
- Nork idatzia: barren.eus
Rüdiger musika taldeak eta Lady Finger DJak musika saioa eskainiko dute gaur Mendaron, Gararock jaialdia aurkezteko.
Peades d'Aigua lasterketa irabazi du Maite Maiorak, UTMB World Series zirkuitoko proba
- Xehetasunak
- Nork idatzia: barren.eus
Maite Maiorak beste garaipen bat pilatu zuen atzo, Salardún, Peades d'Aigua lasterketa irabazita. Atzokoa UTMB World Series zirkuitoko proba zen, mendiko lasterkariek Chamonixen (Frantzian) hasi eta Mendi Zuriaren inguruan jokatzen duten Mont Blanceko Ultra Trail (UTMB) lasterketa entzutetsurako puntuagarria. Gizonezkoetan, Yanquiao Yun 34 urteko korrikalari txinatarra gailendu zen.
19:00etan hasiko da festa Urazandin
- Xehetasunak
- Nork idatzia: barren.eus
Gaur hasiko dira Urazandi auzoko jaiak 19:00etan botako dituzten txapliguekin, eta domekara bitartean izango dira ekitaldiak auzoan.
Madarixatik igaroko da gaur gauean Ehunmiliak 168 kilometroko lasterketa
- Xehetasunak
- Nork idatzia: barren.eus
Gaur arratsaldeko seiretan abiatuko dira Ehunmiliak lasterketakoak Beasaindik eta ondo bidean 22:00ak aldera pasatuko dira lehenengoak Madarixako gainetik, kontuan izanda lasterketako 43. kilometroa dela. Guztira 168 kilometroko eta 11.000 metroko desnibel positibodun ibilbidea egin beharko dute parte-hartzaileek eta antolatzaileek aurreikusten dute larunbatean, 17:00ak alderako, iritsiko dela aurrenekoa helmugara.
Sanbartolomeetan egingo duten goitibehera eta drift trike lehiaketaren araudia ezagutzera eman du Udalak
- Xehetasunak
- Nork idatzia: barren.eus
San Bartolome jaiak gero eta gertuago ditugu eta Udalak dagoeneko ezagutzera eman du goitiberei eta drift trike lehiaketari dagokion araudia. Izena emateko epea ere zabalik dago.
Uztailaren 15ean amaituko da 'Euskara ala Ezkara' jardunaldirako izena emateko epea
- Xehetasunak
- Nork idatzia: barren.eus
Irailaren 3rako antolatu dute 'Euskara ala Ezkara' jardunaldia, eta interesatuek uztailaren 15erako eman beharko dute izena. Aurtengoan kirola izango dute hizpide, eta hiru osagai batuko dituzte: Kirola, euskara eta Elgoibar.
San Fermin txiki eguna ospatu dute Mendaroko udalekuetan izena emandakoek
- Xehetasunak
- Nork idatzia: barren.eus
Eguraldiak ez zuen lagundu, baina ez zuen jaia zapuzterik lortu. Mendaroko udalekuetan izena emandakoek San Fermin txiki eguna ospatu zuten atzo, bi urteko etenaren ondotik.
Santana eta sanbartolomeetako jubilatuen bazkarietarako izena eman daiteke dagoeneko
- Xehetasunak
- Nork idatzia: barren.eus
Santana jaietan egingo duten Zahartzaroari Omen bazkarirako eta sanbartolomeetako jubilatuen bazkarirako izena emateko epeak zabalik daude.
Langabezia-tasak behera egin du ekainean Debabarrenean
- Xehetasunak
- Nork idatzia: barren.eus
Langabezia-tasak behera egin du ekainean Debabarrenean, eta herri guztietan igarri da hobekuntza hori.
"Protagonismo guztia" beretzat hartu nahian ibiltzea leporatu dio Mendaroko EH Bilduk EAJri
- Xehetasunak
- Nork idatzia: barren.eus
Herrian boto gehien lortu zituen alderdia "zokoratu" nahi izatea leporatu dio Mendaroko EH Bilduk EAJri.
Bihar goizean Urazandiko lehen igogailua ezingo da erabili, konponketa lanak egingo dituztelako
- Xehetasunak
- Nork idatzia: barren.eus
Urazandiko igogailuan egingo duten konponketa lan baten ondorioz, bihar goizean ezingo da igogailua erabili.
'Esazu hitz bat', Euskaraldiaren abestia aurkeztu dute
- Xehetasunak
- Nork idatzia: barren.eus
Gero eta gutxiago falta da Euskaraldiaren hirugarren edizioak Euskal Herria belarriprest eta ahobiziekin betetzeko. Azaroaren 18tik abenduaren 2ra egingo da hizkuntza ohiturak astindu eta euskararen erabilera handitzea xede duen ariketa soziala, eta oraingoan abestia aurkeztu dute. Bideoa dauka.
Errigorak diru-bilketa abiatu du, Nafarroako suteen kalteei aurre egiteko
- Xehetasunak
- Nork idatzia: barren.eus
Nafarroan 15.000 hektarea erre dira ekaineko suteetan. 12.000 hektarea baso eta 2.000 hektarea laborantza-lur baino gehiago. Errigora ekimenak diru-bilketa abiatu du, berriro halakorik gerta ez dadin eta uztailaren 15a arte iraungo du kanpainak. Irabaziak bi helbururekin erabiliko dituzte: subeldi berdeak sortzeko eta abeltzaintza estentsiboa sustatzeko.
Irailaren 17rako antolatu dute Debabarreneko Orientazio Raida
- Xehetasunak
- Nork idatzia: barren.eus
Bi urteko etenaren ostean, irailaren 17an jokatuko dute Debabarreneko VI. orientazio proba, eta aurtengoak Deban izango ditu hasiera eta helmuga. Bi proba antolatu dituzte, Abentura eta Familia raida. Dagoeneko izena emateko aukera zabalik dago.
San Fermin Txiki eguna ospatuko dute bihar Mendaron
- Xehetasunak
- Nork idatzia: barren.eus
Dena prest dute Iruñean bihar sanferminak hasteko, eta jai usainean hasita daude Mendaron ere. Izan ere, udalekuetan izena emanda dauden umeek San Fermin txiki jaia ospatu dute bihar, urteetako tradizioari eutsiz.
Jaume Gubianas Escudéren ‘Guztion Festa’ kartelak iragarriko ditu 2022ko San Bartolome jaiak
- Xehetasunak
- Nork idatzia: barren.eus
Elgoibarko Udalak San Bartolome jaietako egitarauaren azala aukeratzeko lehiaketa antolatu du, eta dagoeneko aukeratu dute irabazlea: Jaume Gubianas Escudéren 'Guztion festa' kartela izan da irabazlea. Sari banaketa abuztuaren 22an izango da, arratsaldeko 19:30ean, Elgoibarko Kultur Etxeko erakusketa gelan.
Giro onean joan dira Idotorbeko San Pedro jaiak
- Xehetasunak
- Nork idatzia: barren.eus
Bi urteko etenaldiaren ostean, gogoz hartu dituzte jaiak Idotorben. San Pedro Egunean hasi zituzten festak zaindariaren prozesioarekin, baina ekitaldi gehienak astebururako antolatu zituzten. Giro onean joan dira jaiak, Idotorben.
Barikuan itzuliko da aire libreko zinea Kalegoen Plazara
- Xehetasunak
- Nork idatzia: barren.eus
Aire libreko zinea ere bueltan da. Elgoibarko Kultura Sailak antolatuta, barikuan hasiko da, eta guztira zazpi film emango dituzte uztaileko asteburuetan. Kalegoen plazan izango dira emanaldiak, 22:30ean.
Iker Zabaletak irabazi du Javier Ezenarro Oroitzarrea eta Eneko Ortega elgoibartarra iritsi da bigarren, denbora berera
- Xehetasunak
- Nork idatzia: barren.eus
Javier Ezenarro Oroitzarrea jubenilen mailako lasterketa jokatu dute gaur Mendaron, 95 kilometroko proba. Arribinietako eta Kalbarioko gainak igo dituzte txirrindulariek eta Atracciones Sanz taldeko Iker Zabaleta Olariaga izan da helmugaratzen azkarrena, 2:22:41eko denbora eginda. Hala ere, aipagarria da Elgoibarko Lagun Taldeako (BESA) Eneko Ortega Larrañagak gaur egin duen lasterketa. Lasterketa buruan joan da uneoro Ortega, bi-hiru laguneko taldean, eta azken esprintean hartu dio aurrea Zabaletak. Hirugarren Xabat Manso Anbustegi Augar Laguntasuna taldekoa sailkatu da, irabazlearengandik 56 segundura.
Ioritz Leiaristik irabazi du LaRoita apustua eta errekorra ezarri du gainera
- Xehetasunak
- Nork idatzia: barren.eus
Ioritz Leiaristik irabazi du LaRoita apustua, 1:23:56ko denbora eginda, eta Iker Odriak iaz ezarritako errekorra ondu du. Argazkian, irabazlea, Kalegoen Plazara sartzen.
Olatz Altuna: "2006tik jaisten ari zen euskararen kale erabilera, eta joera hori eten egin da"
- Xehetasunak
- Nork idatzia: barren.eus
Soziolinguistika Klusterrak hizkuntzen erabileraren kale neurketa egin zuen iaz, eta neurketa horren emaitzak aurkeztu zituen ikerlanaren zuzendari Olatz Altunak (Usurbil, 1971) joan den astean, Bilbon egindako Soziolinguistika Jardunaldietan. Han aurkeztutakoak honako lerro hauetan bildu ditu Urolako Komunikazio Taldeak, Aitziber Arzallus kazetariak Altunari egindako elkarrizketan.
%2,2 jaitsi da euskararen kale erabilera Debabarrena eskualdean azken bost urteetan
- Xehetasunak
- Nork idatzia: barren.eus
Debabarrenean behera egin du kaleko euskararen erabilerak (%2,2) azken bost urteetan. Azken neurketen arabera herritarren %24,3 aritzen dira euskaraz eskualdean. Euskara gehien entzuten den Euskal Herriko eskualdea Debabarrenarekin mugakide den Lea Artibai (%76) da. Debabarrena, bederatzigarren postuan ageri da.
Larraitz Zialtzeta: “Familia medikuen falta benetakoa da, eta epe motzean behintzat ez da egoera konponduko”
- Xehetasunak
- Nork idatzia: barren.eus
Larraitz Zialtzeta Adurizek (Elgoibar, 1978) betidanik izan ditu gustuko zientzietako gaiak, eta Batxilergoa amaitu zuenean argi zeukan Erizaintza, Nutrizioa edo Medikuntza ikasi nahi zuela. Azkenean, Medikuntza ikasi zuen Leioan, eta BAME (MIR) azterketa Iruñean prestatu zuen. Familia medikua espezialitatea aukeratu zuen, eta gaur egun Markinako Osasun Zentroan egiten du lan. Gotzone Sagardui Osasun Sailburuak egindako adierazpenen harira, berarekin batu da BARREN, familia medikuen lanbidea nolakoa den ezagutzeko, eta baita Lehen Arretan dagoen egoera zein den jakiteko.
‘Zerua eta garia’ izenburupean garagardo azoka egingo dute Mendaron, Ukrainarekiko elkartasunez
- Xehetasunak
- Nork idatzia: barren.eus
Lau eguneko garagardo azoka antolatu du herritar talde batek Mendaron, Ukrainako egoera ezagutarazteko eta ahalik eta diru-kopuru handiena biltzeko Ukrainari laguntzen ari diren elkarteentzat.
Paula Calvok brontzezko domina eskuratu du Gipuzkoako Udako Txapelketan, absoluto mailan
- Xehetasunak
- Nork idatzia: barren.eus
Infantil, junior eta absolutu mailako Igeriketako Udako Gipuzkoako Txapelketa jokatu zuten aurreko asteburuan, Irungo Azken Portuko igerilekuan. Paula Calvok hiru domina irabazi zituen: urrezkoa, zilarrezkoa eta brontzezkoa; horietako bat maila absolotuan.
Bukatu dituzte Altzolako haur-parkea berritzeko lanak
- Xehetasunak
- Nork idatzia: barren.eus
Altzolako San Juan plazako haur-parkea eraberritzeko lanak bukatu dituzte eta dagoeneko erabiltzeko moduan dago.
Meliton zubiko barandak garbitzeko eta margozteko lanak hasi ditu Udalak
- Xehetasunak
- Nork idatzia: barren.eus
Meliton zubiko barandak saneatzeko lanak hasi ditu Udalak. Barandak garbitu, saneatu eta margotuko dituztela azaldu dute.
Taberna eta jatetxeetan euskara aintzat hartzera gonbidatzeko kanpainarekin bat egin du Mendaroko Udalak
- Xehetasunak
- Nork idatzia: barren.eus
Hirugarren aldiz, bisitariak zein bisitariekin harremana duten zerbitzu sektoreko arduradunak eta langileak euskara aintzat hartzera gonbidatzeko kanpaina egingo dute uda honetan ere UEMAk udalerri euskaldunetan, eta Mendarok ere bat egin du kanpainarekin.
